Pages

Sunday, 27 May 2012

நம்பிக்கை ஸ்வரங்கள் - அல் ஐனில்..

அல் ஐன் இந்தியன் சோசியல் செண்டரில் நம்பிக்கை ஸ்வரங்கள் என்ற நிகழச்சி சென்ற வெள்ளிக்கிழமை மிகச் சிறப்பாக நடந்தேறியது. இது மாதிரி நிகழ்ச்சி பார்க்க வேண்டுமென்றால் துபாய் அல்லது அபுதாபி சென்றால் தான் பார்க்க முடியும்.துபாய் தமிழ்ச்சங்கம் ரமேஷ் விஸ்வநாதனின் வேண்டுகோளின் பேரில் அவர்கள் அலைன் தமிழ்க்குடும்பங்களின் உதவியுடன் இங்கும் வந்து நிகழ்ச்சி நடத்தி தந்தார்கள். இந்நிகழ்ச்சியை குறித்து பகிர்வதற்கு முக்கிய காரணம்,மாற்று திறனாளிகள் ( Physically Challenged – Ability Unlimited) அவர்களோட வீல் சேர் பரதநாட்டியம், வீல் சேரில் சூஃபி டான்ஸ், வீல் சேர் யோகா, வீல் சேர் பஞ்சாபி டான்ஸ், ஜெய்ஹோ டான்ஸ் என்று பிரமாதப்படுத்தியிருந்தார்க்ள்.காணக் கண் கொள்ளா காட்சியாக இருந்தது.

பரத நாட்டியம் ஆடிய பெண்களுக்கு வாய் பேச,காது கேள முடியாதவர்கள்.
ஊனமுற்றவர்களால் வீல் சேரில் இருந்து கொண்டே இப்படி நாட்டியம்,யோகா எல்லாம் செய்ய முடியும் என்பதை பார்க்கும் பொழுது நம்மை அறியாமல் கண்களில் துளிர்தத நீரை கட்டுப்படுத்த முடியவில்லை, நிகழ்ச்சி ஆரம்பித்தது முதல் முடிவு வரை அரங்கமே நிசப்தமாக ஆச்சரியத்தில் ஆழ்ந்து இருந்தது,
அத்தனை அருமையாக, அந்த குழுவின் குரு பாஷா அவர்களின் 12 வருட கடின உழைப்பால் அவர்களுக்கு பயிற்சி அளிக்கப்பட்டு உலகெங்கும் பல நாடுகளுக்கு சென்று நிகழ்ச்சி நடத்தி, அவர்கள் திறமையை வெளிப்படுத்தி வருகிறார்கள்.அவர் பொறுப்பில் உள்ள ஆஸ்ரமத்தில் 150 மாற்றுத்திறனாளிகள் இருப்பதாக தெரிவித்தார்.
அவர்களைப் பற்றி கூறும் பொழுது not disabled, they are differently abled என்று தெரிவித்தார்.தினமும் 6-7 மணி நேரங்கள் கடின பயிற்சி செய்து அவர்கள் இம்மாதிரி நிகழ்ச்சிகளை வழங்குவதாகவும் தெரிவித்தார்.முயற்சித்தால் முடியாதது எதுவுமே இல்லை.

http://www.youtube.com/watch?v=94498P3_qH0

இந்நிகழ்ச்சியை தொகுத்து வழங்கியவர் விஜய் டீவி புகழ் இப்படிக்கு ரோஸ். அவர் தொகுத்து வழங்கிய விதம் மிகவும் ரசிக்கும்படியிருந்தது.

இதனைத் தொடர்ந்து கலைஞர் டீவி மானாட மயிலாட புகழ் கோகுலின் நடனம் சூப்பரோ சூப்பர்.

கின்னஸ் வேர்ல்ட் ரெக்கார்ட் புகழ் சுசீலா( பார்வை இழந்தவர்) காற்றினிலே வரும் கீதம் பாடல் பாடி அசத்தினார்.அவருடைய கின்னஸ் சாதனை தொடர்ந்து 50 மணி நேரம் பாடல்கள் பாடியதாம்.

நாங்கள் வீட்டில் விஜய் டீவியில் ஏர்டெல் சூப்பர் சிங்கர்ஸ் நிகழ்ச்சி எப்பொழுதும் ரசித்து பார்ப்பது வழக்கம், லீடிங் கீ போர்ட் ப்லேயர் நிவாஸ் பிரசன்னா உதவியுடன் விஜய் டீவி புகழ் அஜீஸ், சந்தோஷ்,சத்யபிரகாஷ், பூஜா அவர்கள் பாடியதை நேரில் பார்க்கும் பொழுது அவர்கள் கடந்து வந்த பாதையின் வெற்றிக்கு அவர்கள் தகுதியானவர்கள் என்பது உறுதியாக தெரிந்தது. சத்ய பிரகாஷ் பாடிய சுட்டும் விழிச்சுடர் பார் கண்ணம்மாவும், பூஜா பாடிய ஒருநாள் யாரோ பாடலும் மிக இனிமையாக இருந்தது.

சந்தோஷ் பாடிய மன்றம் வந்த தென்றலுக்கு,ஒத்த கண்ணாலே பாடல் மிகவும் ரசிக்கும்படியிருந்தது. சத்யப்ரகாஷ், அவர் சூப்பர் சிங்கர்ஸ் ஃபைனல்ஸில் பாடிய ஓ மணப் பெண்ணே பாடி அசத்தினார்,சந்தோஷ் பூஜா கிளிமஞ்சாரோ பாடல் பாடும் பொழுது அரங்கமே ஆஹா ஆஹா என்று அப்பாடலில் வரும் கோரஸை பாடி மகிழ்ந்தது.அஜீஸ் –பூஜா பாடிய ’இதுவரை’ பாடல் சூப்பரோ சூப்பர். இதனைத் தொடர்ந்து நால்வரும் சேர்ந்து கொலைவெறி பாடலும், வந்தே மாதரம், தாய் மண்ணே வணக்கம் பாடலும் பாடி நிகழ்ச்சியை நிறைவு செய்தார்கள்.

அனைவருக்கும் அல் ஐன் தமிழ்குடும்பங்கள் சார்பாக நினைவுப் பரிசும் வழங்கி கௌரவித்தார்கள்.

Friday, 18 May 2012

மருதாணி மருத்துவ குணம்..(டிப்ஸோ டிப்ஸ்)




மருதோன்றியின் பூ, இலை, விதை, பட்டை, வேர் அனைத்தும் மருத்துவக் குணம் கொண்டவை.


1. கை கால்களில் எரிச்சல் உண்டாவதை தடுக்க மருதோன்றி இலையை நன்கு நீர்விட்டு அரைத்து அதனுடன் எலுமிச்சம் பழச்சாறு கலந்து கை கால்களிலும்,உள்ளங்கால்களிலும் தேய்த்து வந்தால் கை கால் எரிச்சல் உடனே நீங்கும்.


2. நகக் கண்ணில் புண் அல்லது நகச் சுற்று ஏற்பட்டவர்கள் மருதோன்றி இலையை அரைத்து நகத்தின் மீது பற்று போட்டால் நகக் கண்ணில் ஏற்பட்ட புண்கள் குணமாகும்.


3. மருதோன்றி விதையிலுள்ள எண்ணெயை உடம்பின் மீது தடவி வந்தால் உடலில் எரிச்சல் தணிந்து குளிர்ச்சியாக்கும்.( இந்தக் கோடையில் கூல் கூல் ஜில் ஜில் தான்)


4. மருதோன்றி இலையை நீரில் இரவு முழுவதும் ஊறவைத்து மறுநாள் காலையில் கொதிக்க வைத்து கஷாயமாக்கி அதனை சுளுக்கு மற்றும் சிறு காயங்கள் ஏற்பட்ட இடத்தில் ஒற்றடமிட்டால் விரைவில் குணமாகும்.


5. மேக நோயால் தாக்கப்பட்டவர்கள் மருதோன்றி இலை 6 கிராம், பூண்டுப்பல்1, நல்ல மிளகு 5 இவற்றை ஒன்றாக சேர்த்து அரைத்து காலை வேளையில் மட்டும் சாப்பிட்டு வந்தால் மேக நோய்களின் பாதிப்புகள் நீங்கும். இக்காலங்களில் உணவில் உப்பில்லாமல் சாப்பிடவேண்டும். அதிக காரம், புளி கூடாது.



6.பெண்கள் மருதோன்றி இட்டுக்கொண்டால் மனஅழுத்தம் குறைவதாக மனோதத்துவ நிபுணர்கள் கூறுகின்றனர்.


7. மருதோன்றியின் பூக்களை தலையணையின் கீழ் வைத்து தூங்கச் சென்றால் நல்ல தூக்கம் வரும். மேலும் மூளையில் ஏற்பட்ட சூட்டை தணித்து உடலுக்கும், மனத்திற்கும் புத்துணர்வை ஏற்படுத்தும்.


8. மருதோன்றியின் வேர், பட்டையை அரைத்து பாலில் கலந்து காலையில் அருந்தி வந்தால் அதிக ரத்தப்போக்கு குணமாகும். பித்தத்தைத் தணித்து உடல் நிலையை சீராக்க உதவும்.


9. வாதம், பித்தம் சம்பந்தப்பட்ட நோயைப் போக்கும் குணம் மருந்தோன்றிக்கு உண்டு.


10. மருதோன்றியின் பூக்களால் குஷ்ட நோயான தொழு நோயைக் கூட குணப்படுத்தலாமாம்.


மருதோன்றி இலையைப் பற்றி அறியாத பெண்களே இருக்கமுடியாது. பெண்களின் அழகு சாதனப் பொருட்களில் மருதோன்றியும் ஒன்று. மருதோன்றியில் அளப்பரிய மருத்துவக் குணங்கள் உள்ளதால்தான் அவற்றை அழகு சாதனப் பொருளாக பயன்படுத்தி வருகிறோம். மணமகளை அழகுபடுத்தவும், திருவிழாக் காலங்களிலும் பெண்கள் இதனை அதிகம் பயன்படுத்துவார்கள். எனவே வீட்டுத் தோட்டத்தில் அல்லது முன்புறம், பின்புறம் எங்கு இடமிருந்தாலும் ஒரு மருதோன்றிச் செடியை வளர்த்து அதன் பலனை அனைவரும் அடைய வேண்டும் என்பதற்காகவே இந்த பகிர்வு.

--ஆசியா உமர்.


Thursday, 3 May 2012

காத்திருப்பு - அதீதத்தில்



முதன் முதலாக இணைய இதழான அதீதத்தில் என்னுடைய இந்த படைப்பு வெளிவந்திருக்கு. நான் பொழுதுபோக்காக எப்பவாவது என்னைச் சுற்றி நடப்பவற்றை என் கற்பனை கலந்து கதையாக வடிப்பது வழக்கம். அப்படி தான் இந்த சிறுகதையை எழுதி வைத்திருந்தேன்.

அதீதத்திற்கு அனுப்பியும் வைத்தேன். அவர்கள் இதனை வெளியிடுவார்களோ என்ற தயக்கமிருந்தது. ஆனால் பிரசுரமாகிவிட்டது. அதீதத்திற்கு என் மகிழ்ச்சியையும் நன்றியையும் தெரிவித்து கொள்கிறேன்.

உங்களோட விமர்சனத்திற்காக காத்திருக்கிறேன். உங்கள் கருத்துக்கள், என் எழுத்துக்களை இன்னும் செம்மையாக்க உதவும் என்ற நம்பிக்கையில் ...



- ஆசியா உமர்.